Қирғизистон билан Корея судланган фуқароларни алмаштириш тўғрисида битим тузмоқда. Шартномани ратификация қилиш тўғрисидаги қонун лойиҳаси Олий Кенгаш томонидан биринчи ўқишда кўриб чиқилди.
Бош прокурор ўринбосари Турусбек Ишеналиевнинг сўзларига кўра, ҳозирги кунда Кореяда 6000 дан ортиқ қирғизистонлик ишлаяпти ва ўқийди. Шу кунгача ушбу мамлакатда икки ватандошимиз судланиб, бир киши у ерда жазо муддатини ўтаб чиққан. Шунингдек мамлакатимизда олти кореяликнинг ҳуқуқбузарлик ишлари кўриб чиқилмоқда.
Шунингдек, у шу кунгача Бош прокуратура Кореянинг Адлия вазирлиги билан жиноий ишлар ва судланганларни ўтказиш бўйича ўзаро ҳуқуқий ёрдам тўғрисида халқаро шартнома имзолаганини таъкидлади.
